Холандија ќе стави вето на препораката на Европската комисија за доделување статус земја кандидат за членство во унијата на Албанија, јавува порталот Еуроактив. Лошата вест за Албанија доаѓа откако вчера холандскиот парламент донесе одлука со која ја обврза холандската влада да гласа против.
Очекувањата на Албанија беа високи дека на престојниот самит во Декември ќе добие зелено светло за кандидатски статус. Европската комисија оценува дека ваквата одлука на Холандија ќе им нанесе тежок удар на надежите на земјите од Западен Балкан за интеграција.