На првиот ден од 2014 стапи на сила Законот за правосудна соработка во казнената постапка меѓу државите членки на Европската унија, што значи дека се активираше европскиот налог за апсење, кој за Перковиќ го издаде Германија.
Уапсен е поранешниот член на тајната служба, Јосип Перковиќ, јавуваат хрватските медиуми. Според процедурата која ја предвидува законот полицијата е должна да го спроведе Перковиќ пред јавниот обвинител на распит и да бара да се изјасни дали се согласува на испорачување.
Перковиќ се бара по налог на Германија која сака да му суди по обвинение дека организирал ликвидација на хрватскиот емигрант Стјепан Ѓурековиќ, убиен 1983 година.
Освен Перковиќ, полицијата го уапси и Здравко Мустач кој му би надреден на Перковиќ во југословенската тајна служба, но и уште дваесетина лица по кои земјите членки на ЕУ распишале потерница- сите се однесени на распит.
За Божиќ со срцеви проблеми и бубрежни тегоби Перковиќ беше хоспитализиран.