Владата вчера потврди дека Законот за животно партнерство наскоро ќе влезе во собраниска процедура. „Целта е да се осигураат правата на малцинската група кои не ги загрозуваат правата на другите“, порачаа од Владата.
Референдумот во неделата освен што чинеше 50 милиони куни пари на граѓаните и освен што покажа дека четвртина од Хрватите и понатаму живеат во средниот век и сака на малцинството да му ги ускрати сите права, не донесе ништо ново и револуционерно, објавува агенцијата Хина.
Хомосексуалните парови ќе можат да склопуваат бракови на матично, само што тоа ќе значи животно партнерство. Тие ќе ги имаат истите права како да се во брак. Нема да можат да усвојуваат деца, но ќе можат да им бидат старатели.
„Тоа е еден чекор поблиску до некои други права кои би можеле да им ги дадеме за некоја година кога ќе порасне толеранцијата во земјата. Зошто нема посвојување? Поради екипата која доведе до овој референдум и до искажувањето на овој вид нетолеранција, замислете си дури тогаш што би им правеле на децата кои би биле посвоени во истополови заедници. Не станува збор за тоа дека истополовите парови би биле лоши родители. Тие можат да бидат еднакво квалитетни родители и еднакво добра средина за раст и развој на децата, но останатата средина е нетолерантна, а во овој момент мораме да размислуваме првенствено за децата“, појасни вчера вицепремиерот Миланка Опачиќ пред новинарите додавајќи дека како Влада не можеле да го спречат одржувањето на референдумот поради Уставот.
Ние мора да го промениме Уставот, а за тоа е потребна поддршка од една третина во Саборот. Досега ги немавме, но се надеваме дека ќе ги имаме и дека ќе го промениме Уставот за да ги спречиме ваквите иницијативи да продолжат понатаму зашто се поставува прашањето – што е следно – забрана на абортусот, забрана на медицински потпомогното оплодување, прашува Опачиќ.