Хуманитарните концерти во последно време станаа единствена можност како да им се помогне на младите луѓе, на кои, Фондот за здравствено осигурување не им овозможува да се лекуваат во странство. Обично станува збор за високи суми на пари и тогаш луѓето се самоорганизираат, помагаат разни фондации или се организираат хуманитарни концерти.
Еден таков концерт беше одржан на 26 април, посветен на 18-годишниот Филип Михајловски кој настрада во јули минатата година при скок во Охридското Езеро и остана целосно парализиран.
Целокупната организација беше од неговите другари од навивачката група City Park Boys а настапија локални рап артисти и гости од Хрватска.
Екипата на НОВА разговараше со младите музичари од Хрватска, Фил Тилен и Антон Тоне за тоа колку Хрватите се хумани и дали владата им помага на оние луѓе кои имаат потреба од лекување во странство.