Од извори во Министерството за внатрешни работи НОВА дознава дека ни Никола Бошковски вечерва не бил дома кога дошла полицијата за да го спроведе во затворот во Шутка.
Сајтот СДК објави дека полицијата вечерва влегла во домот на Горан Грујовски но не го нашла дома. Не се знае дали е во бегство но државата не можел да ја напушти бидејќи му е одземени патните исправи.
Тие се обвинети од СЈО во предметот „Тврдина и Таргет“, за нелегално прислушување на илјадници граѓани преку злоупотреба на системите за следење во МВР и за физичко уништување на системите со кои се прислушувало, за да нема докази за масовното кршење на човековите слободи и права. Тоа се предметите на Специјалното обвинителство „Тврдина“ и „Таргет“, кои сега се споени во еден предмет.
Грујовски е главниот обвинет во „Тврдина“ и „Таргет“. Бошковски, пак, според обвинението, е извршителот на наредбите на тогашниот началник Грујовски.