Игор Ивановски, кандидат за лидер на СДСМ, најавува темелни промени и современ тим за победи, во изјава за НОВА- ја образложува својата кандидатура:
-За да бидам прецизен: по заминувањето на најсилното персонално персонално решение од СДСМ, Црвенковски, за Партијата ќе биде погрешно претстојниот Конгрес да се сфати само како можност за персонални промени и голи и нефункционални кадровски комбинаторики.
Останувам принципиелен на мојот став дека на СДСМ му треба темелна, модерна и оперативна-организациона промена.
Работам да предложам современ менаџмент и концепт и здрава екипа и тим кој ќе испорачува победи. Ако се прифати тој победнички концепт, ќе оставам членството да одлучи кој човек и тим новиот концепт најдобро ќе го спроведе, изјави за НОВА Игор Ивановски, еден од кандидатите за лидер на СДСМ.
Досега познати кандидати се Зоран Заев како лидер и негов заменик Радмила Шеќеринска, Игор Ивановски, Зоран Јовановски и Кире Наумов.