За Македонската православна црква абортусот е смртен грев рамен на убиство, рече брегалничкиот митрополит Иларион на денешното осветување на темелите на новата црква „Константин и Елена“ во Штип. Со ова, тој директно го поддржува го јавно изнесениот став на членот на Светиот Синод на МПЦ, владиката Тимотеј.
Иларион упати замолница до граѓаните и законодавците за ова сензитивна работа да размислуваат на „богоугоден“ начин:
– Граганите и надлежните ги советувам, повикувам и замолувам, бидејќи знаеме дека во светот има многу бездетни родители, кои од ред причини не можат да имаат деца, семејствата да не ги абортираат своите чеда, но да ги родат и да им ги дадат на тие бездетни семејства како би можеле и тие да ја почувствуваат родителската среќа, истакна Иларион.