Над илјада вработени на Универзитетите и студенти протестираа денеска во Атина бидејќи владата прати на принуден одмор 40 проценти од администрацијата на универзитетите.
Демонстрантите без инциденти, мирно прошетаа низ улиците и центарот на Атина.
Ректорите на многу факултети во Грција веќе цел месец одбиваат на Министерството за образование да им го дадат списокот на вработени кои треба да одат на принуден одмор или да бидат префрлени на други работни места, заради строгите мерки на штедење.
За да извршат притисок на владата, ректорите во септември одлучија да затворат некои административни сектори на Универзитетите.
Грчката влада најави дека под притисок на кредиторите, ЕУ, Европската централна банка и Меѓународниот монетарен фонд до крајот на годината на принуден одмор ќе прати 25 000, а ќе отпушти 4000 државни службеници.