Во Вишиот суд во Белград денеска беше одложено судењето на сопружниците Владимир и Миљана Кецмановиќ, родители на малолетникот Коста кој на 3 мај минатата година изврши масакр и уби девет деца и чуварот на ОУ „Владислав Рибникар“.
Во судот беа присутни родителите на убиените деца кои во раце држеле слики од убиените деца.
Кога излегол адвокатот Боривој Боровиќ, кој го застапува семејството Кецмановиќ, родителите на убиените деца извикувале и го нарекле „злосторник“ и „лажго“, додека на обвинетата Миљана и рекле дека е „мајката монструм“.
Да потсетиме, таткото на момчето-убиец доби кривична пријава за тешко кривично дело против општата безбедност, бидејќи неговото оружје било употребено за масакрот, додека неговата мајка е обвинета за недозволено поседување оружје поради ДНК-трагата пронајдена на чаура на местото на злосторството.
За кривичното дело давање лажна изјава директно обвинети се претседателот на стрелачкиот клуб „Партизан практично стрелање“, Ратко И. и инструкторот во тој клуб Немања М.
Извор: Нова. РС