Извори од полицијата соопштуваат дека вооружени луѓе пукале врз специјалните сили кои се обидувале да влезат во градот Рамади како би ги истерале камповите на сунитските демонстранти.
Неколку луѓе загинале во престрелката. Пукотниците и експлозиите се слушнале во неколку делови од градот. Уништени се четири полициски возила и убиени се најмалку тројца припадници на полицијата.
Генералот Мохамед ал-Аскари, портпарол на Министерството за одбрана на Ирак, за државната телевизија вели одлуката да се отстранат камповите доаѓа откако за тоа е постигнат договор помеѓу племенските лидери и локалните власти.
Обединетите нации повикаа на воздржаност.
„Загрижен сум за развојот на настаните во Анбар и повикувам на смиреност и спроведување на договореното“, изјави Николај Младенов, посредник на ОН за Ирак.