Да се види официјална слика на жена без шамија во исламскиот Иран е реткост. Но уште поретко е кога објавата доаѓа од официјално лице.
Иранскиот претседател одлучи денес на Твитер да и честита на младата Мариам Мирзакани која стана првата жена која ја освои медаљата Филдс, највисокото признание за постигнувања во математиката на светот. Оваа награда годинава, на 13 август, за прв пат и беше доделена на жена.
Иранските медиуми се разбира и ја честитаа победата на Мариам но не собраа храброст да објават нејзина слика без шамија која им беше испратена. За да не ги нарушат законот, кој од 1979 година, ги обврзува жените да носат шамија, медиумите ја со фотошоп ставија шамија на главата на Мариам.
Но, големото изненадување дојде денес кога иранскиот претседаѕек Хасан Рухани одлучи да и честита на младата жена за честа што таа му ја донесе на Иран со престижната награда. Тој на Твитер објави: “Честитки на Мариам Мирзакани која стана првата жена која ја освои медаљата #FieldsMedal и не направи нас Иранците многу горди” и под “твитот” додаде фотографија на Мариам со и без шамија!