Исламската група на екстремисти што моментално ги тероризира Ирак и Србија објави видео во кое му се заканува на рускиот претседател Владимир Путин и во кое се колнат дека ќе водат војна на пределот Северен Касказ во Русија, објавува Руска реч
Во видеото кое наводно е снимено на аеродром во Сириската провинција Рака е прикажан борец на Исламската држава како седи во авион упатувајќи му порака на Путин во која се вели:
„Оваа порака е за тебе Владимир Путин!Ова се авионите што ти му ги испрати на Башар Ал Асад, а ние ќе ти ги испратиме тебе! Запомни го тоа!“
Ова е првпат членовите на оваа група директно да му се обратат на рускиот претседател откако претходно отворено им објавија војна на САД со обезглавувањето на двајцата американски новинари.
Во видеото еден од членовите вели:
„Твојот престол веќе се ниша, под закана е и ќе падне со нашето доаѓање во Русија. Веќе сме на пат со милоста на Алах“.
По појавата на видеото на Јутјуб, на својот Инстаграм профил се јави чеченскиот лидер Рамзан Кадиров нарекувајќи го „детска закана“.
„Овие идиоти немаат ништо заедничко со исламот. Тие се очигледни непријатели на муслиманите ширум светот. Наивни луѓе одлучиле да ѝ се закануваат на Чеченија и цела Русија со два авиона. Тие можат да се качат во 2.000 авиони и пак да не стигнат до Русија,“ напиша Кадиров.
Пред да биде објавено видеото Министерството за надворешни работи на Русија ги повика Кина и западните земји да ги здружат силите со цел да се стави крај на теророт што го создава оваа група.