„Историска“ снежна бура му се заканува на североисточниот дел на САД, прогнозираат метеоролозите.
Според нив силната снежна бура ќе биде проследена со ветрови кои ќе дуваат со јачина до 120 км/час од Њу Џерси до Мејн.
Градоначалникот на Њујорк, Мајкл Блумберг, изјави дека тие се подготвени за невремето. Тој ги повика граѓаните да не ги користат возилата за време на бурата која се очекува дабиде најинтензивна во сабота наутро.
Речиси 2.000 летови се откажани вчера и уште 500 денеска.
Во градот Бостон во Масачусетс се очекуваат околу 60 см. снег. Училиштата во градот не работат.
Националната метеоролошка служба соопшти дека очекуваната бура е „потенцијално историска“ заради сложената метеоролошка ситуација – со две бури од запад и југ кои може да се соединат денеска попладне по локално време и да достигнат максимален интензитет утре изутрина.