Американските истражувачи веруваат дека исчезнувањето на авион на Malaysia Airlines е сепак дело на киднапери. По многубројните теории за исчезнувањето на авионот, оваа теорија изгледа како најреална, јавува Daily Mail.
Комуникациските системи на авионот биле исклучени во растојание од 14 минути. Едниот е изгаснат во 1 часот и 07 минути, а другиот во 1часот и 21минута, во моментот кога пилот им рекол „добра ноќ“на контролата на летање.
Авионот тогаш го сменил правецот и тргнал кон запад, а потоа исчезнал.
Истрагата оди во правец дека авионот не паднал поради дефект бидејќи тогаш комуникациските системи се гасат во исто време.
Вчера пак, се појавија теории дека авионот може да лета уште четири часа, што било доволно да сигне до Саудиска Арабија. Не е исклучена можноста и за самоубиство на пилотот, како и тезата дека авионот можеби се урнал во Индискиот Океан.
Сепак, меѓународната истрага е насочена кон областа на Андаманското море во Индискиот Океан.
Авионот на Malaysia Airlines боинг 777 со 227 патници и 12 членови на екипажот исчезна на 8-ми март на патот од Куала Лумпур до Пекинг еден час по полетувањето.