Италијанскиот Врховен суд заседава денеска за да одлучи дали Силвио Берлускони треба да се затвори и да му се забрани јавна служба за даночна измама, пресуда која може да ја загрози несигурната коалиција на италијанската Влада, јавува Ројтерс.
Пресудата против поранешниот премиер ќе биде негова прва дефинитивна осуда и сигнализира крај на една ера во која тој доминираше во италијанската политика веќе две децении преку неговата медиумска моќ и политичка вештина.
Исто така пресудата може да се одрази на владата – несигурната коалиција на централно-левичарската Демократска партија (ПД) на Енрико Лета и централно-десничарската партија Народ на слободата (ПДЛ) на Берлускони – и да ги доведе во криза и а донесе обновување на неизвесноста за третата најголема економија во еврозоната, која може да го погоди целиот блок.