Италијанскиот претседател Џорџо Наполитано ќе сведочи за случајот против високи државни службеници за водење на тајни преговори со мафијата од Сицилија во текот на 90-тите, пренесува Ројтерс, што значи дека за првпат првиот човек на земјата ќе биде во улога на сведок.
Обвинителството во Палермо го истражува периодот во кој мафијата систематски ја напаѓа државата со убиства и бомбашки напади.
Помеѓу обвинетите се Никола Манчини, кој бил на функцијата министер за внатрешни работи, и еден од најсилните шефови на мафијата Салваторе Рина.
Наполитано е побаран како сведок, бидејќи според судот може да поседува информации кои ќе бидат од корист за случајот.
Обвинителството товари неколку политичари и високи службеници за преговори со шефовите на мафијата, по убиството на високиот судијата Џовани Фалконе, жена му и тројца телохранители во 1992 година.
Според обвинителите подготвеноста на државата да преговара по смртта на Фалконе довела до уште бомбашки напади, во едно од кои бил убиен уште еден судијата – Паоло Борселино.
За време на овие настани Наполитано беше претседател на долниот дом на парламентот, но обвинителството поседува писма, според кои Наполитано знаел за преговорите со мафијата.