Американката Аманда Нокс која беше обвинета за смртта на нејзинита поранешна цимерка, се соочува со ново судење пред италијанскиот Врховен суд. Откако помина четири години во затвор, Апелациниот суд го поништи обвинението за убиство на нејзината цимерка Мередит Керчер во 2007 –ма година во Перуџа, поради недостаток на докази.
Сега кога се соочува со ново обвинение, Нокс најави дека ќе се бори со крената глава да ја докаже нејзината невиност пред италијанските судии.
Нокс која пред две години се вратила во САД и живее во Сиетл, не беше во судот за да ја слушне пресудата. Врховниот суд во Рим побарал ново судење и за нејзиното поранешно момче Рафаел Солесито.
“Многу е болно што судот наредил повторно судење во врска со овој случај“ изјави нејзиниот портпарол Дејвид Мериот.
Нокс тврди дека случајот кој се води против неа многу пати се покажал како неоснован и не фер. Нејзинот семејство и таа мислеле дека судскиот процес е завршен.
“Обвинителство е одговорно за многу пропусти и обвинувања и треба да одговараат за тоа“ порача Нокс.
Друг човек од Брегот на слоновата коска, Руди Гуид беше под обвинение за убиството на Керчер. Тој призна дека имал сексулани односи со неа, но го негираше убиството.
Обвинителите и покрај одлуката на Апелацијата сметаат дека Нокс и Солесито се одговорни за смртта на 21 годишната студентка.