Демократијата во Македонија не функционира, констатираше Игор Ивановски од СДСМ.
Како еклатантен пример го посочи денешното однесување на власта, без дневен ред и без материјали е закажана седница за измени во Изборниот законик.
Ивановски, смета дека донесувањето на измените во Изборниот законик по итна постапка и на вонредна седница на Собранието на РМ, како и озаконувањето на продолжувањето на рокот за пријавување кандидати за претстојните локални избори до 3. март, без присуство и согласност на опозицијата, е преседан во парламентарната демократија.
„Ова е преседан, нешто што не се случило досега. Ова претставува дополнување на сериозниот дефицит во функционирањето на демократијата“, ја пренесува порталот А1он, изјавата на Ивановски дадена на панел дискусијата „Развој на функционална демократија како основа за интереграција во ЕУ“, која се одржа денеска во организација на Институтот „Фридрих Еберт“ и Институтот за социјална демократија „Прогрес“.