НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

(ИЗБОР) Албански медиуми: Средбата Рама – Сунак со имигрантите на средина

0
By Ана Василевска on March 24, 2023 ВЕСТИ, РЕГИОН
СПОДЕЛИ
Facebook Twitter LinkedIn Email

На средбата на премиерите на Велика Британија и Албанија, Риши Сунак и Еди Рама, меѓу другото се договараше за составување заеднички тим за проценка на капацитетите на албанските затвори. Аферата со уривањето на „Престиж  ресорт“ добива нови контури – правната директорка на „Хисенбелиу груп“ вели дека лиценцата за градење ја издал Рама. По средбата во Охрид, Американската комора бара од Косово да се приклучи на „Отворен Балкан“.

Ова се дел од темите што редакцијата на ЦИВИЛ Медиа ги издвои од албанските медиуми во регионот.

АЛБАНИЈА

ТВ Клан – Опинион: Рама-Сунак, имигранти на средина!

„Премиерот Еди Рама и британскиот премиер Риши Сунак се согласија заеднички тим меѓу Велика Британија и Албанија да изврши проценка на капацитетите на албанските затвори, процес што ќе биде завршен до крајот на април со цел враќање во сите дефинирани албански државјани во затворскиот систем на Обединетото Кралство“, ова беше еден од договорите постигнати на средбата меѓу премиерот Рама и неговиот британски колега Риши Сунак во Лондон, за која, меѓу другото, пренесе албанската  ТВ Клан.

Балкан Веб: Од уривањето со тритол до конфискацијата во „Престиж ресорт“ / Правната  директорка на „Хисенбелиу груп“ : Градежната дозвола ја дал Рама паралелно со договорот за закуп …

„Правната директорка на „Хисенбелиу груп“, Фолијона Пуравели во студиото на емисијата „Лог“. на ТВ Панорама вели дека сите згради на „Престиж ресорт“ се лиценцирани, дури и онаа што се урна со тритол, но и двете што беа одземени пред два дена.

Пуравели направил и хронологија на историјата на одморалиштето, кое потекнува од 1996 година и до 2016 година кога градежната дозвола ја дал самиот премиер Рама.“, пренесе Балкан Веб.

КОСОВО

Коха: По Охридскиот договор, Американската комора бара Косово да се приклучи на „Отворен Балкан“

„Американската стопанска комора на Косово го поздрави договорот за нормализација на односите меѓу Косово и Србија, постигнат на 18 март во Охрид, Северна Македонија, и побара од Владата Косово да се приклучи на иницијативата на Албанија, Северна Македонија и Србија за заеднички регионален пазар.

„Американската комора силно верува дека договорот ќе отвори можности за економски развој на двете земји, подобрување на размената на стоки и услуги. Сè додека двете земји не ја потврдат посветеноста на спроведувањето на сите минати договори, Американската комора го повторува својот повик до Владата на Косово да се приклучи на иницијативата на Албанија, Северна Македонија и Србија за заеднички регионален пазар.“, пренесе Коха.

Газета Експрес -Амбасадорот Ховениер: Косово, шампион во верска слобода

„Чест ми е да се приклучам на персоналот на Амбасадата во Приштина на ифтар, по повод светиот месец Рамазан. Косово останува шампион на верската слобода, една од многуте важни вредности што ги применуваат нашите две земји“, напиша Ховениер на Твитер.“, пренесе косовскиот дневник Газета Експрес.

Епока е Ре: Пред 24 години НАТО го запре етничкото чистење на Косово

Потпретседателката на ПДК, Влора Читаку, потсети на 24-годишнината од интервенцијата на НАТО, нагласувајќи дека Алијансата дејствувала за човештвото и го запрела етничкото чистење на Косово, пренесе косовскиот портал Епока е Ре.

КОЛУМНА

ИНА – Скандалот „Маѓар Телеком“: отфрлена пресудата за Унгарците; Соучесниците од РМВ имаат ред да дадат сметка

„Согласно одлуката на американскиот регулатор (бидејќи немаше друг излез пред фактите на американската влада), Унгарците беа осудени, затоа што платиле милиони евра мито на највисоките функционери на владејачките партии, со цел да го задржат својот монопол на пазарот на мобилни телефони.

Но, ако некој е осуден за поткуп, здравиот разум бара сега да бидат казнети и оние кои го примиле овој поткуп. Иако не знаеме кој го иницирал овој коруптивен случај, тие што дале или тие што добиле, едно е сигурно: за танго се потребни двајца, па нема поткуп освен ако има две страни.“, извадок од колумната „Скандалот „Маѓар Телеком“: отфрлена пресудата за Унгарците; Соучесниците од РМВ имаат ред да дадат сметка“, од авторот Арбен Фетаи, објавена во македонската новинска агенција на албански јазик ИНА.

Д. Тахири

Извор Цивил Медиа

Еди Рама Избор албански медиуми Риши Сунак
Share. Facebook Twitter LinkedIn Email
ТИКЕР

Гром удри во фудбалери – 11 играчи повредени

August 3, 2025

Постапките на Трамп убиваат, а љубовта спасува животи“, кажаа на Парадата на гордоста во Амстердам

August 3, 2025

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025
ФОКУС

Милановиќ ѝ забрани на хрватската армија да соработува со Израел

ВЕСТИ August 3, 2025

Претседателот на Хрватска Зоран Милановиќ ја повика хрватската влада да ја прекине трговијата со оружје…

Честитки од државниот за Илинден

August 2, 2025

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.