Роберт Бидрон, пратеник кој никогаш не ја криел својата хомосексуалност, вчера беше именуван за градоначалник на северниот полски град Слупск.
“Полска се менува и живее во моментов голема трансформација”, изјави 38-годишниот градоначалник за агенцијата АФП по церемонијата заклетвата за новата функција во традиционално католичката Полска. Тој додаде дека неговиот избор веројатно предизвикува негативни реакции во Полска која според него е “монокултурна и монорелигиска” но смета дека промената е неизбежна.
“Полска ќе продолжи да се отвара”, рече тој.
Бидрон е првиот политичар кој во Полска отворена признава дека е хомосексуалец и кој сепак станува градоначалник.
За време на церемонијата новиот шеф на градот доби телеграми со честитки од полскиот претседател Бронислав Коморовски и од претседателката на Парламентарното собрание на Советот на Европа Ан Брасер. Овие телеграми беа на глас прочитани пред насобраната публика.
Бидрон е пратеник на антиклерикалната левица наречена “Твоето движење” и беше независен кандидат на изборите за градоначалник. Тој успеа со 57 отсто гласови да го победи либералот Збигњев Конвински.
Во својата програма наречена “Најпосле промени” тој предлага бесплатен интернет во целиот град и промоцијата на штедење на енергијата со креирање на Институт за зелена чиста енергија. Тој е политилог и издавач кој се бори против хомофобијата а пратеник е од 2011 година. Анкетите го ставаат на чело на пратениците кои најмногу работат. Неговиот избор претставува еволуција на менталитетот во католичката Полска. На локалните избори новинарката лезбејка Ангниешка Лучак не беше избрана за градоначалничка но беше сериозна закана за победникот. Таа доби 8.742 гласа за победникот 9.740.
Уште една пратеничка која е трансексуалка беше избана за пратеник во 2011 година.