Израелските и палестинските преговарачи ќе ги продолжат мировните разговори во Вашингтон, објави американскиот Стејт департмент, јавува Би-Би-Си.
Разговорите, блокирани од 2010 година, ги следат месеци на шатл-дипломатија од страна на државниот секретар на САД Џон Кери.
Изјавата уследи неколку часа откако Израел одобри ослободување на повеќе од 100 палестински затвореници.
Ослободувањето – кое го подели израелскиот кабинет – ќе се одржи во фази во текот на неколку месеци.
Портпаролот на Стејт департментот Џен Псаки изјави дека првичните разговори ќе започнат во понеделник вечерта и ќе продолжат во вторникот.
Таа рече дека г-дин Кери го повика израелскиот премиер Бенјамин Нетанјаху и палестинскиот претседател Махмуд Абас во неделата и тие се согласија дека разговорите “ќе послужат како можност да се развие процедурален работен план за тоа како партиите да може да продолжат со преговорите во наредните месеци “.