Се формираше партијата ГРОМ, односно Граѓанска опција за Македонија предводена од Стевчо Јакимовски.
На промоцијата на партијата, Јакимовски најави основачко собрание за три месеци и порача дека единствена цел на ГРОМ е да биде партија на власт. Тој е убеден дека тоа ќе се случи по следните предвремени парламентарни избори, кои, како што вели, ќе бидат пролетта 2014-та.
Освен Јакимовски дел од ГРОМ се независниот кандидат за градоначалник на Куманово, Виктор Цветкоски, кој заедно со Јакимовски беше исклучен од СДСМ, екс пратеникот Кире Гештаковски, политичкиот аналитичар Сашо Клековски, поранешниот претседател на општинската организација на СДСМ во Кисела Вода Чедомир Саздовски, поранешниот претседател на СРД Томче Грујовски.
На промоцијата на ГРОМ на свој мајчин јазик имаа обраќање претставници на албанската, турската, српската, влашката, ромската заедница.
Претходно во интервјуто за НОВА, Јакимовски истакна дека во Македонија се чувствува потреба од нов политички субјект и дека на државата и е потребна граѓанска ориентација, односно партија која што треба да собере граѓани од различни националности.