Бугарскиот премиер Стефан Јанев остварил средба со амбасадорот на Словенија во Бугарија Анджеј Франгес, а во фокусот на нивниот разговор било словенечкото претседателство со Советот на ЕУ, пренесуваат бугарските медиуми.
Јанев ја потврдил позицијата на Бугарија и принципиелната поддршка на Софија за европската перспектива на РС Македонија и Албанија, истакнувајќи ја потребата за поефикасен дијалог и реална волја за заштита на човековите права, како и ставање крај на говорот на омраза.
Од негова страна била изразена забелeшката дека европските партнери заземаат страна, толерирајќи го Скопје, соодветно – обвинувајќи ја Бугарија, без вистински и основани причини. Бугарскиот премиер истакнал дека во негово својство се обидува да дејствува како политичар, а не како бирократ и во оваа смисла главен приоритет е да се застапува и штити во најголема мера националниот интерес на Република Бугарија.
На крајот од разговорот, бугарскиот премиер посакал успех на словенечкото претседателство и истакнал дека инсистира на отворен и искрен дијалог и дека во овој поглед се потпира на реципроцитет.