Соборениот украински претседател Виктор Јанукович во своето денешно јавно обраќање предложи место предвремени претседателски избори, во Украина да се оддржи сеукраински референдум и воедно ја замоли Партијата на регионите да го исклучи од нејзините редови, јави ИТАР-ТАСС.
– Како претседател, кој е со Вас и со мислите и со својата душа, го повикувам секој државјанин на Украина со здрав разум: не давајте да Ве искористуваат самопрогласените! Инсистирајте со референдум да се утврди статусот на секој регион во составот на Украина, наведе Јанукович.
Според него, „самопрогласените“ немаат право да го лишуваат секој граѓанин на Украина од неговото право на глас, внесувајќи „антиуставни измени“ во украинското законодавство, со кои се опфатени и претседателските избори.
– Овие измени ја исклучуваат можноста за чесни избори кога и да се оддржат, тврди Јанукович.