Јапонија испрати борбени авиони во следните 48 часа постојано да летаат во зоната на оспоруваните острови од Токио и од Пекинг , како одговор на прелетувањето на четири кинески воени авиони над меѓународните води во близина на архипелагот Окинава, пренесе јапонскиот печат.
Јапонските воени авиони летале во зоната во петокот и саботата, додека кинеските авиони прелетале меѓу главниот остров на архипелагот Окинава и островот Мијако.
Кинеските авиони изведувале летови од Источно Кинеско Море до Тихиот Океан и обратно, но не навлегле во јапонскиот воздушен простор.
Односите меѓу Токио и Пекинг се затегнати од септември 2012 година, пред сè, заради спорните острови во Источно Кинеско Море. Тие се управувани од Јапонија, но според Пекинг и тие имаат право над нив. Островите се наоѓаат меѓу Окинава и Тајван.