Претседателката на Јужна Кореја јавно се извини за неуспешниот обид на нејзината влада да ја спречи несреќата со траектот во која загинаа или исчезнаа над 300 луѓе.
Извинувањето на Парк Кун-хе и оставката на нејзиниот премиер доаѓа по барањата одговори од роднините на жртвите.
– Не знам како да се извиниам за неуспехот да се спречи несреќата и за несоодветниот одговор, се вели во соопштението од нејзиниот кабинет кој што се емитуваше на националната телевизија во земјата.
– Сочувствувам со луѓето и жалам за изгубените животи.
Неодамна при нејзината посета во Ансан, град близу Сеул, на комеморативен настан во знак на жртвите, некои од семејствата на загинатите врескале по неа и барале одговори. Парк Кун-хе ги слушала 10 минути пред да замине оттаму.
Последната бројка која јужнокорејската влада ја објави во однос на загинати изнесува 193. Повеќето од нив биле средношколци.