Претседателот на Генералното собрание на ОН, Вук Јеремиќ, претендира да го замени Бан Ки Мун на местото Генерален секретар на Обединетите нации, пишува „Блиц“.
Јеремиќ би можел да ја има поддршката од Русија и Кина, но во истовреме и голем отпор од страна на САД, а големи шанси за таа функција има и словачкиот шеф на дипломатијата Мирослав Лајчак.
Неименуван амерички дипломат, за весникот Блиц го навел можното сценарио за изборот на Генералниот секретар.
„Во првиот круг Русија најверојатно ќе предложи свој човек, додека кандидат од САД ќе биде некој од балтичките земји. Потоа, во вториот круг, САД ќе предложат кандидат од Полска, додека Русија ќе го предложи Јеремиќ. Бидејќи Америка не сака ни да слушне за Јеремиќ, компромисот ќе биде некој Чех или Словак“, наведува изворот.
Во тој случај, најголеми шанси би имал шефот на словачката дипломатија Лајчак кој има голем авторитет во меѓународните дипломатски кругови, ја пренесува весникот анализата на американскиот дипломат.
Мандатот на Бан Ки-мун истекува во декември 2016 година. Генералниот секретар на ОН се бира на секои пет години.