Јованка Броз ќе биде погребана во сабота, на 26 октомври во 12 часот во Куќата на цвеќето, како што сакаше, но сеуште не се знае дефинитивно дали во просторијата десно од гробот на Тито или меѓу неговиот гроб и просторијата каде што се изложени штафетите.
Оваа одлука во наредните два дена ќе ја донесе Организациониот одбор за погреб на чело со Расим Љајиќ.
Тогаш ќе се знае и какви воени почести ќе и бидат укажани бидејќи таа е носител на партизанска споменица. Српските медиуми пишуваат дека семејството барало погребот да биде скромен и достоинствен. Во име на Владата на Србија од Јованка Броз ќе се прости премиерот Ивица Дачиќ, а членовите на семејството треба да одлучат кој во нивно име ќе одржи говор на гробот.
-Сигурно тоа ќе биде Зоран, син на нашата сестра Зорица, друго нема што да додадам, се превзема Владата на себе, низ солзи прокоментирала Нада, една од двете сестри на Јованка, за српски Блиц.
Сеуште, не се знае дали на последното испраќање ќе бидат повикани странските амасадори иако се знае дека тие пројавиле голем интерес за да присуствуваат на погребот.