Луксeмбуршкиот премиер Жан Клод Јункер понуди оставка на својата влада поради аферата со тајната служба, со што се отвора пат за нови избори.
-Во Луксембург ќе бидат одржани предвремени избори, најави синоќа (10.07) луксембуршкиот премиер.
Најголем дел од пратениците во парламентот се на мислење дека новите избори се вистинскиот потег, затоа нив и ќе ги има, истакна Јункер.
Аналитичарите сметаат дека тоа е единствениот начин за инаку омилениот премиер да си го спаси образот, а истовремено да ја реши и политичката криза во земјата- наместо да поднесе оставка, како што бараше опозицијата, тој бара одржување на нови избори и тоа уште во текот на оваа година.