Блокиран ќе остане пристапот до „ЈуТјуб“ во Турција , одлучи денеска судот, иако вчера беше донесена одлука за повлекување на забрната.
Со образложение дека со забраната се кршат човековите права и слободи, судот во Анкара вчера донесе одлука за укинување на забраната на „ЈуТјуб“ воведена на 27 март.
Сепак, судот подоцна ја промени одлуката соопштувајќи дека забраната останува во сила се додека од страницата не биде симната аудио снимката на која наводно турски безбедносни претставници разговарааат за Сирија, пишува турскиот весник „Хуриет“.
Уставниот суд претходно ја симна забраната на Твитер, воведена од турските власти на 20 март.
Укинувањето на Твитер беше остро критикувано од турските сојузници во НАТО и организациите за човекови права.