Американското министерство потврди дека четворица припадници на армијата на САД се повредени, од кои еден е во критична состојба, кога бил отворен оган врз американски авион во Јужен Судан.
Авионот кој бил нападнат во Јужен Судан учествувал во евакуацијата на американските граѓани од најмладата африканска држава во којашто десетина дена се одвиваат жестоки вооружени судири меѓу двете најголеми етнички заедници.
Претставници на Уганда соопштија дека бунтовниците стрелале врз американските авиони кои летале над зафрлената покраина Џонлеј.
Пентагон соопшти дека во Џуба, главниот град на Јужен Судан, по барање на Стејт департментот, упатил два транспортни авиона од типот „С-130″, за да евакуира околу 120 луѓе. Официјално е потврдена евакуацијата на три групи американски државјани и една група државјани на трети земји со приватни чартер авиони.
Вашингтон соопшти дека е длабоко загрижен поради насилствата и судирите што избија во Јужен Судан, истакнувајќи дека е од „апсолутно од клучна важност политичките несогласувања да се решат на мирољубив и демократски начин”.