Загина еден од нуркачите кој учествувал во потрагата по потонатиот траект во Јужна Кореја.
– Нуркачот -волонтер, ја загубил комуникацијата 25 метри под водата, пет минути по неговиот скок, соопшти Ко Мјанг-сук, портпарол на владата.
Според неа, до времето кога неговите колеги пирстигнале да го спасат, тој ја изгубил свеста и не можел да дише. Потоа бил пренесен во болница каде што била констатирана смрт.
Не вклучувајќи го нуркачот, во катастрофата во Јужна Кореја загинаа 264 луѓе а 38 сеуште се водат за исчезнати.
Речиси 130 нуркачи учествуваат во потрага по исчезнатите тела.