Обреновац е поплавен од реката Тамнава зашто екипата на „Србијавода“ го минирала патот, после што големата поплава го погоди во овој град, објавува Блиц.
Тамнава во четвртокот на 15 мај подиве и се закануваше дека ќе ги поплави Коцељево. Мостот покрај ова место, на патот Ваљево-Шабац се урна под ударот во реката, направи брана и водата почна да се излева кон Коцељево. Екипата на „Србијавода“ за да го спаси местото од поплава го дига во воздух регионалниот пат за да ја пренасочи Тамнава. После тоа водата го менува правецот и тргнува кон Обреновац.
Во четврток околу 23 часот, во некои делови од Обреновац луѓето слушнале експлозија и кратко после тоа населбата Пироман во Обреновац била под вода. После тоа во петокот, во еден часот наутро, се поплавува и местото Велико Поље каде луѓето едвај извлекле жива глава, зашто водата буквално ги затекнала на спиење, објавува Блиц.
До тогаш надлежните во Обреновац се подготвуваа за Колубара и Сава и не ни очекуваа дека катастрофата се заканува од грб, од Тамнава. Никој не ги известил. Тоа го потврди и Мирослав Чучковиќ, претседател на општината Обреновац, кој пред два дена за РТС изјави дека не очекува дека Тамнава ќе го направи ова катастрофално сценарио и дека силите биле ангажирани кон другите водотеци.
Дека „Србијавода“ се одговорни што Тамнава го променила патот, може да се заклучи и од изјавата на Горан Пузовиќ, директор на „Србијавода“ кој на 18.мај за Блиц на прашањето, кога најмногу се уплашивте, одговорил:
-Таа ноќ во Коцељево Тамнава го однесе мостот во 11 часот навечер и кога водата почна да расте со голема брзина и да ги загрозува населбите. Моравме да го пресечеме патот, за да ја пуштиме водата која растеше во нивите и за го запреме нејзиното влегување во куќите. Во истовреме снема и струја. Имате 4.000 куќи кои се под вода, луѓето викаа, а не можете да им пријдете, не знаете каде се улиците… рекол тогаш Пузовиќ.