Британскиот премиер Дејвид Камерон вели неуспешно се справил со неговите финансиски афери поврзани со документите од Панама, пренесува „Индепендент“.
Камерон на своите сопартијци им признал дека изминатата недела била лоша за него и дека ја прифаќа вината за неговата поврзаност со офшор бизнисите на неговиот татко.
Неговото признание на форум на партијата, каде што побарал да не се обвинува Владата, доаѓа по неколку изјави од Даунинг Стрит. Камерон сега вели дека имал профит од офшор средствата на неговиот татко.
Лидерот на Лабуристите, Џереми Корбин побара од британскиот премиер да се изјасни во Парламентот за неговите приватни финансиски зделки бидејќи со Панама документите се поткопувал интегритетот на Камерон.
Исотото од него го побара и пратеникот Џон Мен.
– Очигледно е дека бев многу лут за она што луѓето почнаа да го зборуваат за мојот татко. Јас го сакав него, ми недостига секој ден. Тој беше одличен татко и многу сум горд на се што направи. Но фактите се овие – купив акции за кои плаќав данок и ги продадов тие акции откако станат премиер, изјави Камерон на форумот на партијата.
Тој порачал и дека наскоро ќе објави информации за своите даночни обврски за сите години наназад со цел да биде целосно транспарентен.
Она што сега опозициските политичари во Велика Британија го подготвуваат се протести против Камерон за замајување на јавноста, и од него ќе бараат оставка на сличен начин како што тоа се направи во Рејкјавик во Исланд неодамна.
Тамошниот премиер е првата жртва на документите од Панама, кој поднесе оставка но рече дека повторно ќе учествува на изборите во земјата.