Нивото на загадување на воздухот денеска повторно е високо. Според мерните станици на Министерството за животна средина, највисока концентрација на штетните ПМ10 честички има во скопската општина Карпош- 215 мг на метар кубен и во Струмица – 251 мг на метар кубен.
Многу високи концентрации на ПМ10 има и во скопските општини Центар-186, Бутел-162, Ректорат-207, Миладиновци 251, потоа во Битола, Кичево, Тетово -200, Гостивар, Кавадарци, а високи во Кочани, Мерните станици во Лисиче и во Гази Баба каде досега имаше екстремно високи концентрации на ПМ 10 се уште не работат.
Воздухот во Скопје од вчера е повторно со високи концентрации на ПМ10 честички, а според мерењата на Министерството за животна средина и просторно планирање во текот на ноќта достигнале и над 300 микрограми на метар кубен.
Во Центар концентрациите почнале да се зголемуваат од вчера утро кога биле измерени 58 микрограми на кубен метар, за во 23 часот да достигнат 376 микрограми, од кога почнуваат да се намалуваат, но и натаму се далеку над дозволените. Последното мерење во Центар концентрациите на ПМ 10 честичките се 182 микрограми на метар кубен.
Во Карпош се движеле од 60 до 321 микрограми.
Кај Ректорат назагадено било синоќа од 20 до 2 часот по полноќ, кога концентрациите биле над 300, достигнувајќи до 388 микрограми.
Во Бутел според мерењата исто така во текот на ноќта било најзагадено но концетрациите достигнале до 190 микрограми.
Според законските прописи мерки се активираат кога во два последователни денови има среднодневни конценрации над 200 микрограми. Во случај кога има загадување над дозволеното, но под 200 микрограми, на сила се само препораките за користење јавен превоз, возење повеќе лица во едно возило или да не се користи возилото без поголема потреба, да не се користи за затоплување прегорено отпадно масло, лакирани или обоени отпадоци од дрво и мебел, стиропор, ПЕТ амбалажа , парчиња гума или било кој друг синтатички материјал, правилно користење на печките на дрва, ограничено движење и активности на отворен простор на најранливата популација, земање витамини.