Во ЈЗУ Општа болница Велес вчера бил донесен маж на 60-годишна возраст без знаци на живот, кој бил искасан од оси на работното место во населба Рачани.
Реанимацијата била безуспешна, а настанот се случил околу 11 часот. Уште кога пристигнала екипата на итната медицинска помош, човекот бил во кома.
Истовремено, и 30-годишен маж од Велес бил искасан од оси, но по укажаната лекарска помош неговата состојба била добра и бил испратен на домашно лекување.
Освен настанот во Велес, вчера и во Неготино крај градската депонија Дуброво беше пронајден мртов маж на возраст од околу 30 години. Неговото безживотно тело, без знаци на насилство било пронајдено завчера во 22 часот од страна на полициски службеници од полициската станица за граничен надзор Михајлово.
Локалните власти известија дека станува збор за мигрант, чие тело е предадено на обдукција, но според првичните информации, мажот бил каснат од отровна змија.