Граѓаните ќе плаќаат 75 евра казна доколку се „шверцуваат“ во автобусите на ЈСП Скопје.
Пред да им ја изрече паричната казна, ЈСП ќе им дозволи на патниците или да платат 300 денари на самото место или, во рок од осум дена, од денот кога го направиле прекршокот.
„Ако патникот не го плати бараниот износ и во дополнителниот рок од осум дена, поднесуваме предлог за поведување прекршочна постапка до МВР, по што прекршочната комисија задолжително изрекува глоба од 50 евра, плус 25 евра за трошоците за прекршочна постапка, кои паѓаат на товар на патникот“, вели за „Вест“, Мишо Николов, директор на ЈСП.
Контролорите кои нема да можат сами да се договорат со патниците да ја платат глобата, имаат право да викнат полиција, за да им помогне да ги легитимираат затечените патници без билет.
Тие се должни да ги одземат сите фалсификувани документи доколку ги најдат кај патникот, со кои се обидел да го оправда превозот.