САД понекогаш отишле „предалеку” во областа на шпионажата, изјави државниот секретар Џон Кери, jaвува Си-Ен-Ен.
Изјавата на државниот секретар Џон Кери е првиот чин на некој американски владин претставник кој експлицитно ја признава контроверзната практика на НСА да ги следи и прислушува комуникациите и електронските податоци во Европа.
-Во некои случаи, ви признаваме, како и што тоа го стори и претседателот Обама, некои од тие акции отишле предалеку и ќе се осигуриме тоа повеќе да не се случува во иднина, изјави Кери на конференцијата во Лондон на којашто учествуваше преку видеолинк во четвртокот навечер.
На конференцијата на којашто учествуваа британскиот Вилијам Хејг, шефот на американската дипломатија долго ја правдаше практиката на американското разузнавање и собирање информации со неопходноста од борбата против тероризмот и превенцијата на евентуални напади.
Споменувајќи ги нападите во САД од 11-ти септември 2001 година, во Мадрид во март 2004-та и во Лондон од јули 2005 година, Кери тврдеше дека американските власти од тогаш успеале да спречат многу планови за напади благодарејќи на пресретнувањето на комуникациите и собирањето информации.
-Навистина спречивме падови на авиони, експлозии на згради, убиства на личности, бидејќи бевме во тек со плановите (…) . и ве уверува,е дека во тој процес невини лица не беа измамени (…) Меѓутоа ние се трудиме да собереме информации. Да, во некои случаи, се отишло предалеку на недозволив начин, призна државниот секретар на САД.
Во четвртокот навечер Кери изјави дека претседателот Барак Обама е „одлучен во обидот за појаснување и преиспитување на таа практика, за никој да не се почувствува измамен.