Кинеските власти тврдат дека не постојат докази за тероризам или киднапирање на авионот од патниците Кинези кои патувале во исчезнатиот малезиски авион.
Ова го напомена кинескиот амбасадор во Малезија, откако властите го провериле минатото и позадината на сите патници од Кина.
Тие исто така ги проверуваат конекциите на сите 239 луѓе кои исчезнаа во авионот Боинг 777, кој го снема над Југоисточна Азија пред десетина дена.
Според авиокомпанијата, 153 од 227-те патници кои патувале се од Кина или Хонк Конг.
Властите во Малезија и понатаму тврдат дека сите обработени докази укажуваат дека авионот го сменил курсот на летање, свртувајќи се на запад кон полуостровот Малај, но дека засега не се знае кој го контролирал или зошто некој би можел да го пренасочи летот.
Откако ги отфрлија сомнежите за поголемиот дел патници, кинеските власти значително ја скратија листата за можни осомничени.
Изјавата на кинескиот амбасадор исто така се очекува да ја возобнови теоријата дека сепаратистите од Ујгур, од западниот регион Ксинџианг во Кина, се вмешани во исчезнувањето на авионот.
Една од двете локации за кој властите тврдат дека авионот е детектиран за последен пат, е токму регионот на Ксинџианг.
Кинеските власти ги обвинија сепаратистите од таму, за извршување на терористички напад овој месец, во кој осум лица вооружени со ножеви зазедоа железничка станица во Кунминг, убивајќи 29 и повредувајќи над 140 луѓе.
Експертите од Кина анализираат за можно свртување на авионот преку компјутер.
Пилотот и ко-пилотот на исчезнатиот авион, и двајцата од Малезија се под обемен надзор во потрагата по докази. Истражителите велат кој и да управувал со авионот, знаел точно што прави. Но досега нема докази ни за двајцата дека директно учествувале во исчезнувањето.
Њујорк Тајмс пишува дека авионот бил пренасочен кон запад а бил управуван преку компјутерски систем контролиран од кабината, а дека личноста која го променила курсот на летање било лице запознаено со системите за воздухопловство.