Кинескиот суд ја отфрли жалбата на поранешниот висок функционер Бо Ксилаи и ја потврди доживотната затворска казна на која беше осуден за мито, корупција и злоупотреба на службената положба.
„Фактите во првостепената постапка беа јасни, а доказите конкретни и доволни. Злосторствата се утврдени, а пресудата е соодветна. Процесот се одвиваше согласно законот”, се вели во пресудата.
Поранешниoт висок член на Политбирото на Кинеската комунистичка пратија за време на судењето ги негираше обвинувањата.
Пред неговиот пад, Бо беше на чело на Комунистичката партија на Кина во градот Чонгкинг и на него се гледаше како на кандидат за член на Постојаниот комитет на кинеската комунистичка партија.
Бо Силај, беше осуден на доживотен затвор на 22-ри септември, во процесот кој започна на 22-ри август и траеше пет дена.