Минатата година Кина загубила 46 милијарди долари поради криминал на Интернет, стои во извештајот на кинескиот универзитет за јавна безбедност, во кој кинеските власти минатата година истражувале 118.000 криминални дела во сферата на веб просторот.
Измамите, проституцијата, кражбата на лични податоци и пирамидалната продажба стојат на врвот од извештајот, а дури 700.000 интернет корисници секој ден стануваат жртви на кибер криминалот.
Иако кинеските власти преземале мерки за чистење на виртуелниот простор, илегалните активности сеуште се во голем број.
Според „Њујорк Тајмс“, сајтовите кои нудат метамфетамин, дрога за поттикнување на силување, оружје и проституција се лесно лесно достапни.
Според податоците, бројот на корисници на Интернет на крајот на минатата година пораснал на 564 милиони, додека во 2011 година изнесувал 513 милиони. Во текот на јули минатата година кинеските безбедносни служби уапсиле 10.000 осомничени и растуриле околу 600 кибер криминални групи.