Тензиите меѓу Кина и САД се сè поголеми, а најново масло на огнот се обвинувањата на кинеските власти и започнување на истрага против Кока-Кола заради наводна шпионажа.
Како што јавија кинеските медиуми, Кока-Кола е обвинета за изработка на илегални мапи на забранети подрачја во Кина.
Кинеските власти наведуваат дека засега не можат да кажат колку лица се вмешани во овој случај, но дека такви случаеви има во повеќе кинески провинции.
Од Кока-Кола кратко порачуваат дека целосно соработуваат со кинеските власти по прашањето на оваа истрага.