НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Кинотека во рамки на „Сезона на филмски класици“ ќе го реставрира Мис Стон

0
By Ана Василевска on May 23, 2024 ВЕСТИ, ЗУМ, КУЛТУРА
СПОДЕЛИ
Facebook Twitter LinkedIn Email

Кинотека соопшти дека оваа година ќе го реставира филмот МИС СТОН на Жика Митровиќ, во рамки на проектот „Сезона на филмски класици“ кој е во организација на Европската асоцијација на кинотеки – „ACE – Association des Cinémathèques Européennes“ .

На 20 мај Европската асоцијација на кинотеки го претстави годинашното издание на проектот „Сезона на филмски класици“, за време на 77-мото издание на Канскиот филмски фестивал и меѓу 24 европски институции чиј главен фокус е зачувување на филмското наследство, се најде и Кинотеката која оваа година аплицираше со дигитална реставрација на филмот МИС СТОН (1958).

По успехот од претходните години во кои Кинотеката ги реставрираше играните филмови МИРНО ЛЕТО (1961), ФРОСИНА (1952) и МЕМЕНТО (1967), како и трите етнолошки филмови на Вера Кличкова, за петтото издание на „Сезона на филмски класици“ Кинотеката дигитално ќе го реставрира МИС СТОН. Премиерата на оваа дигитално реставрирана копија ќе се одржи на 21 септември во летното кино на Кинотеката, како и ширум Европа преку онлајн проекција во живо. Водејќи се од начелото за подигање на јавната свест за активностите на европските филмски архиви кои одговорно и неуморно работат на зачувување и промоција на филмското културно наследство и развој на кино кулутрата, особено кај помладите генерации, Кинотеката го одбра овој значаен филм за македонската кинематографија со цел да биде дигитализиран и презентиран пред домашната, но и пред европски филмска публика.

Филмот МИС СТОН ја раскажува приказната за киднапирањето на американската протестантска мисионерка Елен Стоун и нејзината сопатничка Катерина Цилка од страна на четата на Јане Сандански кои за нивно ослободување бара откуп  кој  треба да служи за финансирање на македонската револуционерна борба. Главните улоги ги толкуваат Олга Спиридоновиќ, Илија Милчин, Марија Тоциноски, Илија Џувалековски, Петре Прличко и др. Филмот е снимен во колор синемаскоп техника, што своевремено била новина во југословенската филмска индустрија, а Олга Спиридоновиќ и Петре Прличко за своите улоги – Елен Стон и Манданата – биле наградени со „Златна арена“ за најдобра актерка и најдобар актер на филмскиот фестивал во Пула во 1959 година.

Годинашната програма на „Сезона на филмски класици“  е курирана од 24 европски институции, а филмската програма на ова издание ќе понуди разноликост – од раните неми класици, до научно-фантастични и ноар филмови како и филмски дела кои кои ги допираат темите за човештвото, ропството и доминацијата, авторитарните режими и меморијата.

Грантот за заедничка реставрација во вредност од 60.000 евра кој се доделува  секоја година  за поддршка на транснационални соработки меѓу филмски институции за зачувување и реставрација на филмот, оваа година ја доби проектот за реставрација на играната копродукција  КРАДЕЦ НА ПРАСКИ (1964) на бугарскиот режисер Вуло Радев. Дигиталната реставрација на овој филм ќе се реализира во партнерството помеѓу Југословенската кинотека, Бугарскиот национален филмски архив и Црногорската Кинотека.

Грант за реставрација доби и компилацијата на кратки филмови под наслов ФАНТАСТИЧНИ ЦВЕЌИЊА (1906-1920), која е соработка помеѓу Кралскиот филмски архив на Белгија, Ај Филммјузеум од Белгија и Филмскиот архив од Австрија.

Жирито кое одлучуваше за доделувањата на грантовите беше составено од унгарскиот режисер Иштван Сабо, заменик-директорот на АРТЕ за долгометражни филмови, Барбара Хебе и филмскиот куратор и едукатор, Ева Сангиорги, се наведува во соопштението од Кинотека.

Кинотека Мис Стон
Share. Facebook Twitter LinkedIn Email
ТИКЕР

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025

Иран: САД мора да ни ја надомести штетата пред новите преговори

July 31, 2025
ФОКУС

Честитки од државниот за Илинден

ВЕСТИ August 2, 2025

Претседателката Гордана Сиљановска-Давкова по повод 2 Август, Илинден – Денот на Републиката, упати честитка до…

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Трамп ја намали царината за Македонија на 15 %

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.