Владимир Путин е всушност слабак кој се плаши од луѓето и сака да поминува време со животните и честите голи мачо слики се само маска за да се прикрие неговата целосна асексуалност, или дури и латентна хомосексуалност.
Ова се најновите тврдења на рускиот политички аналитичар и коментатор Станислав Белковски, објавени во книгата “Владимир: целата вистина за Путин”, која е објавена во германскиот во Минхен издавач Redline, кои ги објавува Дејли мејл.
Белковски, колумнист за еден од москвовските таблоиди и соработник на неколку западни весници, често објавува свои сензационални откритија за Путин, вклучувајќи ги и неговите безбројни наводи за тајни акции во руски нафтени компании. Фактот дека досега немал било какви сериозни последици, многу го толкуваат како доказ дека всушност има силен грб во разузнавачките кругови.
Како главна карактеристика на Путин ја издвојува постојаната потрага за замена на семејството и страв од луѓе, бидејќи тој не чувствувал доволно родителска љубов во детството.
Белковски тврди дека Путин, всушност е роден две години пред официјалниот датум на раѓање, дека наводниот вистински татко му бил алкохоличар и дека мајката го одвела Владимир во Грузија. Но малиот Путин наскоро бил испратен во Ленинград, каде што го присвоиле неговите “официјален” родители. Белковски нема докази, но спомнува наводи “на познатиот истражувачки новинар”, кој го истражуваше раѓањето на Путин пред да умре под сомнителни околности во пад на приватен авион.
Авторот на оваа книга тврди дека Путин растел речиси без татко, а поради недостаток на родителска грижа бил “повлечено и намрштено дете.”
Заменскиот татко, вели Белковски, Путин го гледал, на пример, во Борис Елцин, а замена за брат во Роман Абрамович, рускиот олигарх, кој и самиот бил сирак.