Фарук Абдул Хамид, ко-пилотот на исчезнатиот авионот на компанијата „Малезија ерлајнс” кој исчезна од радарите на 7. март, се обидел да се јави од својот мобилен телефон за време на летот.
„Телекомуникацискиот предавател уловил сигнал на повик кој тој (пилотот) се обидел да го направи. Повикот бил прекината, најверојатно бидејќи авионот брзо се оддалечувал од предавателот и сѐ уште не бил во опсегот на следниот предавател”, изјавил за малезискиот весник Њу стрејт тајмс извор близок на истрагата.
Во интерес на истрагата, соговорникот не сакал да го открие идентитетот на сопственикот на телефонскиот број на кој се обидел да ѕвони пилотот. Локалните телекомуникациски предаватели можат да регистрираат сигнал од мобилен телефон од височина на 2.100 метри, но сепак експертите утврдиле дека авиони ја намалил височината на 1.500 метри, кога го менувал курсот од над Јужното-Кинеско Море, кон јужниот дел на Индискиот Океан.
Истрагата утврдила дека Хамид два часа пред полетувањето имал телефонски повик од својот мобилен телефона на број на „постојан претплатник”. Непосредно пред летот телефонот бил исклучен, а за време на прелетувањето над островот Пенанг телефонот повторно бил вклучен.
Роднината на ко-пилотот Нурсиафика Камарудин изјавила дека Хамид, бил многу поврзан со мајка си и, според неа, доколку тој би се јавил некому, тогаш сигурно би ја повикал мајка му.