„Кучиња на војната“ така се нарекуваат српските доброволци кои се борат на страната проруските сили во Украина. Наводно станува збор за доброволци од четничкото движење „Јован Шевиќ“, а како што дознава Телеграф платени се околу 2.000 долари неделно.
Меѓутоа дел од нив за нешто повеќе пари, односно 3.000 долари неделно, војуваат на страната на украинската војска. Во нивите договори е наведено дека во случај на загинување парите ќе му бидат исплатени на семеството.
За српските доброволци министерот Ивица Дачиќ предупреди дека ги има и во Сирија и во Ирак. Во Украина во моментот се сто Срби. Во борбите учествуваат 45 припадници на четничкото движење, 20 доброволци, како и 20 или 30 Срби или лица со српско потекло кои порано живееле во Украина.
Минатата недела проруските борци заробија двајца српски платеници кои со месеци се бореле на страната на Киев. Предадени им се во Москва на руските разузнавачи.
Српската влада смета дека учеството на овие војници во воените и паравоените војски на други држави му нанесува штета на угледот на државата.
Србите кои учествуваат во вооружените судири низ светот (Украина, Русија, Сирија…) ќе бидат строго казнети, согласно измените за Кривичниот закон кој ќе биде усвоен на есен.
„Оние кои врбуваат граѓани и организираат нивно заминување на странските војувалишта ќе бидат казнети од две до 12 години затвор, додека поединци кои сами ќе се приклучат на воените и паравоените сили во светот ќе бидат казнети со една до пет години затвор.
– Исто така учесниците кои ќе откријат платеници и на тој начин ќе спречат извршување на кривично дело ќе можат да добијат ослободителна казна. Овие законски измени очекуваме да заживеат на есен“, изјави за Блиц, потпетседателот на српската влада, Расим Љајиќ.
Капката која ја прелеа чашата и го забрза донесувањето на законските измени е појавата на група мажи кои себе си се нарекуваат четнички одред „Јован Шевиќ“, кои војуваат на страната на прорусите сепаратисти во Украина и јавно се фалат дека убиваат Украинци.