Во рамките на Зимскиот саем на книгата, а во пресрет на Фестивалот на чајот и читањето, кој ќе започне на 4.февруари и ќе трае до 8 март, издавачката куќа „Феникс“ распишува конкурс за литературни и ликовни творби на тема „Јас го разбирам светот…“.
Знаменитата мисла на Гоце Делчев ќе биде појдовна основа и мото за книжевно и ликовно изразување на учениците од основните и средните училишта, кои своите творби треба да ги достават во Културниот центар Феникс на ул. Костурски херои бр.35 во непосредна близина на Универзална сала – Скопје.
Најдобрите автори ќе добијат дипломи и комплети книги.
Рокот за доставување на творбите е 15 февруари, а бројот на доставените творби е неограничен.