Централната изборна комисија ги поништи изборите на три избирачки места во северна Митровица на Косово и донесе одлука за повторно гласање, изјавил Ненад Рикало, член на ДИК.
– Утрвдено е дека на три избирачки места во Митровица нема услови за пребројување на гласовите. Тоа е неупотреблив материјал и затоа ДИК донесе одлука за да поништи гласањето и истото да се повтори во догледно време, објаснил Рикало.
Според него по анализата на добиениот избирачки материјал констатирано е дека и на други места недостасува материјал.
Во Брисел, започна состанокот на претставничката на ЕУ, Кетрин Ештон со српскиот премиер Ивица Дачиќ, по што ќе следи состанок со косовскиот премиер Хашим Тачи.
Како што е најавено тема на средбите ќе бидат изборите на Косово, како и нерегуларностите при спроведувањето, со акцент дека Бриселскиот договор мора да се исполни во целост.