Централната изборна комисија на Косово ги објави официјалните резултати од вонредните парламентарни избори кои се одржаа на осми јуни.
Според резутатите, Демократската партија на Косово на Хашим Тачи со коалицијата со 30,38 проценти од гласовите, обезбедила 37 пратенички места Демократскиот сојуз на Косово на Иса Мустафа со 25, 24 проценти од гласовите освоии 30 пратенички места и „Самоопределување“ на Албин Курти со 13,59 проценти од гласовите освои 16 пратенички места.
Четврта според бројот на освоени гласови и мандати е Алијансата за иднината на Косово на Рамуш Харадинај со 11 пратеници пред Српската листа со девет пратенички места и Иницијативата за Косово на Фатмир Лимај со шест пратенички места. Алијансата за ново Косово на Беџет Пацоли, која досега беше дел од власта, освои 4,67 отсто од гласовите, што е под границата за обезбедување пратенички мандат.
И покрај најголемиот број на освоени гласови, ниту 18 дена по изборите нема најава дека Хашим Тачи ќе успее да ја формира новата Влада.
На Косово постои политика криза, а постои отворен конфликт меѓу две-три партии кои сакаат сами да формираат Влада, јавуваат косовските медиуми. Сепак, последниот збор ќе го има Уставниот суд на Косово кој ќе одлучи кој ќе формира нова Влада.