Градската општа болница„8 Септември“ може да стане Ковид центар само доколку бидат исцрпени сите можности и ако се влоши состојбата до тој степен да нема каде се примаат пациенти во останатите болнички капацитети, изјави за НОВА, директорот доц.д-р. Христијан Костов. Засега, вели Костов нема можност за такво нешто.
“Болницата е во сопственост на државата и Владата ќе биде таа што ќе одлучи дали дали болницата ќе биде Ковид центар, се со цел ниту еден пациент да не остане непрегледан или хоспитализиран. Тоа може да се случи само во ситуација ако с е влоши состојбата и се исцрпат сите можности.
Засега функционираме со максимум 50 пациенти. Тука се примаат најтешките случаи и кога нивната состојба ќе се подобри за неколку дена се префрлаат на Инфективна клиника, во болницата во Козле или еве сега во монтажната болница“, изјави директорот Костов за НОВА.
доц.д-р. Христијан Костов, директор на ГОБ„8 Септември“
Токму тоа и било договорено со министерот Филипче на денешната средба, пациентите кои се во подобрена здравствена состојба да се префрлаат во монтажната болница, за во болницата да се ослободуваат места за тешките случаи.
Доректорот Костов вели дека дневно имаат по 35 до 40 прегледи на позитивни на Ковид кои понатаму се распоредуваат каде ќе бидат хоспитализирани или ќе примаат терапија дома. Најтешките случаи се хоспитализираат.
Болницата функционира со два ургентни центри, во едниот с е примаат позитивните случaи, а во другиот тие што се негативни, некаде по 50 на ден. Располагаат со најсовремена опрема, респиратори и слично, добиена од донациии, а во наjaва е прием на нови 60 медицински сестри.
